Baso nazional (Brasil)

Baso nazionala (portugesez: Floresta Nacional) edo FLONA babestu behar diren inguruen Brasilgo izendapen ofizial maila bat da. Inguru horietan garapen iraunkorraren estrategiak ezartzen dira. Estatu osoan izendapen horrekin 67 leku daude. Badira ere estatu basoa eta udal basoaren babes irudiak.

Deskribapena

Administrazio bereizketa honen lehen helburu nagusia basoak kontrolik gabeko suntsiketatik babestea da eta, halaber, muga kopuru jakin batekin ustiapen iraunkorra lortzea. Horrek esan nahi du, adibidez, jatorrizko basoaren% 50 gutxienez zaintzea, ibaien eta sakanen basoak kontserbatu eta mantentzea.^[1]

Amazoniako oihanaren% 10 baino gehiagok baso nazionalaren izendapena du. Maila federalean espazio horiek gestioa Instituto Chico Mendes de Conservação da Biodiversidade erakundearen eskuetan dago.

Baso nazional ospetsu batzuk

Esan dugunez 67 dira. Hona hemen batzuk:^[2]

• Jacundáko baso nazionala, Porto Velhon, Rondônian.
• Iratiko baso nazionala, Paranán.
• Humaitáko baso nazionala, Amazonian.
• Ipanemako baso nazionala, São Paulon.
• Lorenako baso nazionala, São Paulon.
• Mário Xavier, Rio de Janeiron.
• São Francisco de Paulako baso nazionala, Hegoaldeko Rio Granden.

Erreferentziak

Kanpo estekak

• Datuak: Q24194884
• Multimedia: National Forests of Brazil / Q24194884