Bert Sakmann

Bert Sakmann
(2007) Irudi gehiago
Bizitza
Jaiotza	Stuttgart, 1942ko ekainaren 12a (81 urte)
Herrialdea	Alemania  Hirugarren Reicha
Hezkuntza
Heziketa	Londresko University College Friburgoko Unibertsitatea Tübingengo Unibertsitatea Municheko Unibertsitatea Göttingengo Unibertsitatea
Hezkuntza-maila	doktoretza
Doktorego ikaslea(k)	Moritz Helmstädter (en)
Hizkuntzak	alemana
Jarduerak
Jarduerak	biologoa, biofisikaria, unibertsitateko irakaslea, medikua eta fisiologoa
Enplegatzailea(k)	Göttingengo Unibertsitatea Heidelbergeko Unibertsitatea
Jasotako sariak	ikusi Arteetan eta Zientziatan Merituaren Ordena  (1996ko ekainaren 4a) Medikuntzako Nobel Saria  (1991) Order of Merit of Baden-Württemberg  (1992) Carus medal  (1991) Harvey Prize  (1991) Canada Gairdner International Award  (1989) Adolf Fick Prize  (1984) Louisa Gross Horwitz Prize  (1986) Gottfried Wilhelm Leibniz Prize  (1987) Feldberg Foundation  (1979) Hodgkin-Huxley-Katz Prize Lecture  (2002) The Paton Lecture  (2016) Ernst Hellmut Vits Award  (1990) Baden-Wuerttemberg Research Award  (1991) W. Alden Spencer Award  (1983) honorary doctor of the University of Alicante  (1993ko otsailaren 3a) Foreign Member of the Royal Society  (1994ko ekainaren 9a) Ralph W. Gerard Prize  (1991) Louis-Jeantet Prize for Medicine  (1988)
Kidetza	Royal Society Alemaniako Natur Zientzien Leopoldina Akademia Ameriketako Estatu Batuetako Zientzien Akademia Nazionala Zientzien Bavariar Akademia Zientzia eta Humanitateen Heidelbergeko unibertsitatea Göttingengo Zientzien Akademia Academia Europaea (en) Arteen eta Zientzien Ameriketako Estatu Batuetako Akademia Hungariako Zientzien Akademia European Molecular Biology Organization (en)

Bert Sakmann (Stuttgart, Alemania, 1942ko ekainaren 12a) alemaniar sendagilea da.

Biografia

Zelula bizien aktibitate elektrikoa aztertzeko teknika berri bat asmatu zuen. Teknika hori erabiliz (patch clamp deitua) egin zituzten aurkikuntzengatik, berak eta Erwin Neher alemaniar ikertzaileak Fisiologia eta Medikuntzako Nobel saria jaso zuten, 1991n. Sakmannek, zientzialari gisa, Max Planck Elkarteko institutuetan (Max-Planck-Institut) lan egin du beti. 1969-1970 urteetan, Psikiatriako Max Planck Institutuan aritu zen, ikertzaile laguntzaile gisa. Han ezagutu zuen Erwin Neher. Gero, Max Planck Elkartea utzi eta Biofisikako ikasketak egin zituen University College London-en, 1971tik 1973ra.

1974an Alemaniara itzuli zen, eta Biofisika Kimikako Max Planck Institutuan lan egin zuen, Gottingenen. Neherrekin batera, han egin zuen bere ikerlan gehiena, 1970eko hamarraldiaren erdialdean eta bukaeran. 1983-1985 urte-bitartean Mintzaren Fisiologia Saileko buru izan zen, Gottingenen. 1985ean Zelularen Fisiologiako beste sail bat sortu zuen, eta sail horretako buru izan zen 1988 arte. 1989an, Gottingen utzita, Zelularen Fisiologia saileko zuzendari izendatu zuten, Medikuntza Ikerkuntzarako Max Planck Institutuan (Max-Planck-Institut für medizinische Forschung), Heidelbergen.

Sakmannen eta Neherren ikerkuntzak karga positiboa edo negatiboa hartutako atomoak (ioiak) zelulara nola sartzen eta zelulatik nola irteten diren hobeto ezagutzeko balio izan zuen. Ikerkuntza horretan ioi kanalak aurkitu zituzten, zelula-mintzean dauden proteina-molekula batzuk, ioiak sartu-irteteko ate gisakoak. Ioiak kanal horietatik igarotzean korronte elektriko pixka bat sortzen dute, eta Sakmann eta Neherek patch clamp teknika asmatu zuten korronte hori neurtu ahal izateko. Handik gutxira teknika hori Biologia Zelularreko tresna erabilienetako bat bilakatu zen.

2009az geroztik, Max Planck Florida Instituteko zuzendari zientifikoa da; Max Planck erakundeak Florida Atlantic Unibertsitatean (Floridan) duen ikerketa biomedikoa egiteko zentroa da aipatutakoa.

Erreferentziak

Kanpo estekak

• Datuak: Q77081
• Multimedia: Bert Sakmann / Q77081