Huron herria

Huron herria

Mota	etnia eta nazio
Honen parte	Lehen Nazioak

Huron herria, huronak edo huroiak, baita wyandot edo wendat izenez ezagunak ere, Ipar Amerikako herri irokes hiztun bat da. Irokes herrien barnean sailkatua dago.

Izena

Beren izendapenari buruzko hainbat teoria daude:

• Batzuen ustez, euskal baleazaleek eman omen zieten, gainean jantziak zeramazkiten hudo edo huroien larruazaleak zirela eta.
• Beste batzuen arabera, frantsesezko hure ("arlote") hitzetik omen dator, alegia, mespretxuzko izendapena.

Lurraldea

Jatorriz Ontario aintziraren iparraldeko kostaldean bizi zen, Kanadaren hegoaldean, baina denborarekin gaur egungol Michigan, Wisconsin eta Ohio estatuen lurraldetara hedatu ziren.

Bizimodua

Mila lagun inguruko komunitateetan bizi ziren, irokesen antzera beren bizimodua nagusiki arto, babarrun eta kalabaza ereinketan oinarritzen zen, horri ehiza eta arrantza gehituz. Egurrezko kanoak eraikitzen oso trebeak izaki, beren lurraldeen mugetatik haratagoko merkatal harremanak ezarri zituzten.

Gaur egun

Gaur egun AEBetako Michigan, Wisconsin eta Ohion 5.900 kide eta Kanadako Quebeceko erreserbetan 3.000 kide inguru bizi dira.

Kanpo estekak

• Datuak: Q213396
• Multimedia: Huron / Q213396