Ibaiertz

Ibaiertza edo erribera ibai edo erreka baten bi aldeetara zabaltzen den gunea da, horregatik ezaugarri geomorfologiko eta ekologiko bereziak dituena. Biotopo moduan ere kontsidera daiteke.

Ibaiertzeko basoetan landare espezie askotarikoak biltzen dira, zuhaixkak, sahatsak esate baterako, eta zuhaitzak, haltzak, makalak, lizarrak, zumarrak… baita hainbat belar motak eta ihiak. Sasi eta sastrakak ere bai, besteak beste, zuhandorra, binorria, atxaparra, laharrak, eta arkakaratsak.