Imre Thököly Késmárkekoa kondea (Kežmarok, Hungariako Erresuma, 1657ko irailaren 25a - İzmit, Otomandar Inperioa, 1705eko irailaren 13a) hungariar politikaria izan zen. Hungariar protestanteen buruzagia izan zen Austriako Habsburgotarren aurka. Familia aberats batean sortu zen. Hamahiru urte zituela, Habsburgotarren aurkako matxinada batean parte hartu eta Transilvanian babestu behar izan zuen, aita hil ondoren. Gudaroste bat antolatu zuen Hungaria askatzeko. Luis XIV.a Frantziako erregearen aliatua izan zen 1677 arte eta turkiarrena ondoren. Hungariako errege izendatu zuten turkiarrek, eta haien alde egin zuen Vienako setioan. 1697an, Eugenio Savoiakoa Zentako guduan nagusitu zenean, turkiarren lurretara ihes egin zuen eta Ilona emazteak jarraitu zuen borrokan. Transilvaniak autonomiari eutsi zion eta hango printzea Hungariako errege izan zen.
Erreferentziak
Wikimedia Commonsen badira fitxategi gehiago, gai hau dutenak: Imre Thököly  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013/12/29 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Irudi gehiago
Hungaria
, 1705eko irailaren 13a (47 urte)
Datuak: Q357151
Multimedia: Imre Thököly / Q357151
