Nanjingeko metroa

Nanjingeko metroa (txinera sinplifikatuz: 南京地铁; pinyineraz: Nánjīng Dìtiě), Txinako Herri Errepublikako Jiangsu probintziako Nanjing hirian dagoen garraiobidea da. Eraikuntza 2000. urtean hasi eta 2005eko irailaren 3an zabaldu zen.

Metro sareak bi linea eta 55 geltoki ditu gaur egun, baina metro-sarea luzatzeko eraikuntza lanak hasiak dira eta etorkizuneak Nanjingek 250 kilometroko metroa izango du. Egunero 300.000 pertsona inguruk erabiltzen dute metroa.

Lineak

1. linea

Lehen lineak 21,72 kilometro ditu eta Maigaoqiao (Xiaohangetik) eta Estadio Olinpikoa elkartuko ditu. Ibilbidearen 14,33 kilometro lurpetik egiten ditu. Linea honen lehen fasea (16 geltokiko ibilbidea) 2005ean zabaldu zen.

Linearen bigarren fasea, hegoalderako handitzea da. 24,47 kilometro luze dituen luzapen hau 2010eko maiatzaren 28an zabaldu zen.

2. linea

Bigarren linea eraikitzeko lanak 2007an hasi ziren eta Wangjiacun eta Maqun elkartzen ditu. Ibilbideak 40,8 kilometro eta 26 geltoki ditu eta 2010eko maiatzaren 28an zabaldu zen.

Etorkizuneko egitasmoak

3. linea

Hirugarren lineak 30,8 kilometro izango ditu eta 2010ean eraikitzen hastea espero da.

Bestelakoak

Gainontzeko lineen ibilbidea eta plangintza zehazteke dagoen arren, etorkizunean Nanjing hiriak 200 kilometro baino gehiago izango dituen metro sarea izango du.

Argazkiak

• 
  Metroko trena geltokira ailegatzen.
• 
  Nanjingeko metroaren 2. lineako trena.

Ikus, gainera

• Txinako Herri Errepublikako metroen zerrenda

Kanpo estekak

• (Txineraz) Nanjingeko metroaren webgune ofizlala.
• (Ingelesez) Nanjingeko metroa Urbanrail.net webgunean.

• Datuak: Q429366
• Multimedia: Nanjing Metro / Q429366