Ophélie Aspord

Ophélie Aspord
Bizitza
Jaiotza	Brujas, 1991ko maiatzaren 21a (32 urte)
Herrialdea	Lapurdi
Hezkuntza
Heziketa	Tolosako Unibertsitatea
Hizkuntzak	frantsesa
Jarduerak
Jarduerak	igerilaria
Parte-hartzailea 2012ko Udako Olinpiar Jokoak

Ophélie Aspord (Brujas, 1991ko maiatzaren 21a -) igerilari olinpiko lapurtarra da. Aviron Bayonnais taldean aritzen da.

Biografia

Brujasen (Flandrian) jaioa, 10 urte zituela gurasoekin joan zen Baionara. Tolosako Unibertsitatean zuzenbidea ikasten ari da.^[1]

Kirol ibilbidea

2010ean Frantziako Igeriketa txapelketan brontzezko domina lortu zuen 800 metrotan. 2011n berriro domina bera lortu zuen. Ur irekian, berriz, 10 km, 5 km eta erlojupeko 5 km-ko probak irabazi zituen.

2011n ere, Munduko Ur Irekietako Txapelketan, Shangain, 6.a izan zen 5 kilometroko lasterketan eta 7.a Frantziako taldearekin proba berean.

2012ko Olinpiar Jokoetan parte hartu zuen lehen aldiz eta 6.a izan zen 10 kilometroko maratoian. 1:58:43ko denbora egin zuen.^[2]^[3]

Erreferentziak

↑ (Frantsesez) «Natation : Ophélie Aspord, un avenir en or» Sud Ouest 2012/06/27.
↑ Naiz. (2012/08/09). Seigarren postuan amaitu du Ophelie Aspord igerilariak Olinpiar Jokoetan. .
↑ (Frantsesez) EiTB. La Bayonnaise Ophélie Aspord finit 6e du marathon 10 km en eau libre. .^{[Betiko hautsitako esteka]}